Ka Meghalaya Industrial Development Corporation Ltd (MIDC) da pynche ko yei mih khubor ini wa dep yei thmu ko wow chimkti yeiwi i thaw ha Ri-Bhoi District.
Ha ka 18 tarik uni u bnai da mih khubor wa pynbaad wa ka MIDC da em ko i thmu wow chimkti yei thaw wa heh 14 Acre ha Umtham, Ri Bhoi, deiwa thied heidor wa ₹450 chi square foot, iwa dapoi ₹21 klur.
Ha ka 19 tarik da mih khubor biang kamjooh tangwa ha kani ka khubor da pynku chooh chooh yei dor wa pynmih khubor chwa.
Neiliang ka MIDC da ong ko wa ini wa mih khubor toh iwa thok suda wei ym em thmu ki wow thied thaw ha Umtham næ ha kiwon kiwon ki bynta ka Ri-Bhoi District.
Da pyntip leh wa ka MIDC da dep yoh chithi ko na ki kattu katni ki seiñ hajrong ini wei da chim leh ya kani ka laad wow pyntip cha ki kamjooh ki paidbah wa ini i mih khubor toh iwa bakla wei ymtoh wow ngait ki.
Da kyntu leh ya ki laad pathai khubor wow em ki i kitkhlieh deiwa pyntikna chwa wow pynmih khubor neibhah ini da ktah ko yei pyrtuid ka MIDC manda mih da ki khubor thok.
Ka MIDC da ong ko wa ka kreh ko deiwa khooid yow wanrah yei roi i paar hei dur ki karkhana deiwa em i kitkhlieh.
Discussion about this post