Jowai: Ka chnong Mowkaiaw lyngba u waheh chnong da kwah ko wow pynche cha ki paidbah hajrong ka khubor kawa pynbaad wa ym chah kiwa chong chnong ka chnong Mowkaiaw ya ki khynnah skur wa kiwa sikai naka chnong Mowtyrchiah wow wan skur cha ka chnong Mowkaiaw.
Neiliang ka chnong ka kwah ko wow pynche wa ha ini i jia ha i por 8 waje i step hawa ki seiñ manbei naka chnong Mowtyrchiah ki da pynsangeh ki ya ki khynnah skur wa ya kiwa sikai kiwa naka chnong Mowtyrchiah wow lai skur cha ka chnong Mowkaiaw deiwa pyntieñ boi ya jia iyi iyi lada ki lai skur ki. Ha i yongsakhiat neiliang ka chnong Mowkaiaw ym em khang næ maham kamwa da pynbaad kawa pyn boodnaam ya ka chnong waroh kawi.
Ka chnong ka da pyrchang ko wow pynsñiawthooh ya ki paidbah wa ki ym toh u sñiawthooh bakla ki hajrong ini i chah pynbaad wei heijooh i por ym toh u ngiat ki ya ka khubor thok wa pynpoor ki bru.
Kamtæ neiliang ki bor chnong Mowkaiaw ki da chimkhia ki wow pynbait ya kani ka kynrum kynram deiwa pynman ya ka yachem hapyrdi ki waheh chnong ki le chnong ka Mowkaiaw, Mowkhap wa Mowtyrshiah wa u Principal ka Winter Adventist Secondary School. Ka yachem man ko kawa mih soh heiwa da phah wan biang ya ki khynnah skur wow kyntu ya ki wa ym toh u tieñ ki ya ka khubor thok.
Khaddooh ka chnong ka kyntu ko ya kiwa chong chnong wow man ki kiwa jai jai wei da kyntu leh ya ki para marjan chnong wym toh u ngait ya ki khubor pytieñ yong ki bru wa chim kabu.
Ini toh katkam wa pyntip u Waheh Chnong u Loving Laloo.
Discussion about this post