Kyntait ka SC wow bichaar ya ka kaam kajia pood ka Meghalaya wa Assam

Shillong: Ka Supreme Court (SC) ka ri da kyntait ko wow bichaar ya ka kaam kajia pood hapyrdi ka Meghalaya wa ka jylla Assam wa da ujor da ka Khun Hynniewtrep National Awakening Movement (KHNAM).

Neiliang u THS Bonney yong ka KHNAM da ong u wa da toh i por wow wanrah yei chongsuk ya ki paidbah ka thaaiñ ha pyn ar ki jylla.

U Bonney da ong u leh wa i yaklam hapyrdi ki montri rangbah wa ki Chief Secretary ha ki snem wa dadep da man ki kiwa sepai.

Uni u heh ka KHNAM da ong u wa ka Article 3 yong ka Constitution klam ko hajrong i bor ka parliament wow pynbait yei kajia pood deiwa pynrap wa man i i kaamram ka sorkar pyrdi wow leh yeini.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Bonney da pyntip u leh wa ka Supreme Court da ekti ko ha ka sorkar pyrdi wow pynkrehkaam ya ka bui hajrong i pynbait pood ka Andhra Pradesh wa Karnataka heiyatoh wa ka mukotduma Obulapuram Mining Company ha u snem wa dadep.

Da phah leh yow Bonney wow rah u ya kani ka kaam hakhmat ka sorkar wa daw chna thymme tangwa lada ym hun u yeiwa leh ko ye u wanrah biang hakhmat ka Supreme Court.