Ynne ka sngi ka Bharatiya Janata Yuva Morcha (BJYM) kawa man ka seiñ khynroo ka BJP da kyntait ko ya i klam u State Vice President u Wallambok Khongwir yong ka ynnin ka sngi uwa da ong wa ki dkhot ka Party daw yakhih ki wow dawa pynkylla ya kiwa kitkaam ka seiñ ha jylla.
U President ka BJYM, u Krison Langstang da ong u wa ini i klam u Wallambok toh i klam samen khlem tip kiwa kitkaam wa ki dkhot ka seiñ wei da pynlait u yeini da i mon samen donhi.
U Krison da ong u leh wa ki dkhot ka BJYM dang kyrchaan ki ya ka Party deiwa bood ryntih ya ki riti synchaar yong ka deiwa ong leh wa daw pteiñ ko u yakhun pyrchah ya i baam-tooh la ha iwon iwon i rukom.
