Ka Seiñ Kur Dkhar ka chnong Barato da pynche paidbah ko heiyatoh wa u Shidorki Dkhar uwa man uwi na ki 6 ngut wa yut na District Jail Jowai wei uwa da chah bom yap ynnin ka sngi wa uni u bru toh u yong Tyngkan.
Ka kur da ong ki wa uni toh u khon ka Phinis Tyngkan wa u Ran Sten wa chong wa sah ha ka Dong Barato-C, Barato, West Jaintia Hills District.
Ka Seiñ Kur da pynsñiaw ko leh yei sñiawsih wa nei por chei por wa jia kamni wym em burom de ki bru wei da pynbood naam ki ya ka kur Dkhar.
“Nadooh myntu da kyntu wei heijooh i por da maham wa lada dang em kam kini neini chakhmat ka Kur Dkhar ym yohsa ko wow leh katkam ki kyndon aiñ pyrchah ya kitu kiwa pynbood naam yei pyrtuid ka kur. Pynrem joor i ya kini ki kaam sih kaam sang kiwa pyrchah ya ka longbru manbru,” pynkut ka khubor na u waheh ka Seiñ Kur Dkhar ka chnong Barato, u Sarlangki Dkhar.
