Kyntait ka sorkar wow e takit ha ka CBI kamwa dawa ka liang pyrchah

Shillong: Ka sorkar jylla da kyntait ko ya i dawa ya ka takit CBI kamwa da dawa ka Congress hajrong i chah thombor ka Agnes Kharshiing wa ka Amita Sangma.

Hawa jubab ha ka dorbar wa kyrpang namo ka Special Session u montri ka kaam pohyung ka jylla, u James K Sangma da pyntip u wa da thung ya ka dhab takit wa laitlooid namo ka “Fact finding Independent Inquiry” wow takit hajrong ini iwa jia.

Hajrong i sñiawkhia ka Congress wa kani ka takit ye ko wow chah yah bakla ha ka sorkar, neiliang u James da pyntikna u wa kani ka takit u man sakhiat ko kawa laitlooid wei ka sorkar ym pynthut ko ya ka.

Hajrong i sonteri ya kini ki ar ngut ha North Eastern Indira Gandhi Regional Institute of Health and Medical Sciences (NEIGRIHMS), da ong u wa booh ya ki bor pulit wa biang kamjooh leh da pyndait ya ki CCTV ha ki bynta wa emkaam kani ka thaw sumaar wei neiliang ki bor pulit da leh ki yeiwa emkaam wow kem ya kiwa emkti ha ini i kaam.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pyntip u leh wa da kem hadooh ynru ngut kiwa suba wa emkti ha ini i kaam wei ym em i duna ha i takit kamwa da pynbaad ka Congress.

Heijooh i por da pyntip u wa ka sorkar da thoh ko cha ka NEIGRIHMS wa i bai lutsan wow sumaar ya kini ki ar ngut u su bait da ka sorkar.

Chwa ini neiliang uwa yahkhmat ka liang pyrchah, u Dr. Mukul Sangma da dawa u wow ekti wow takit yeiwa jia da ka CBI, deiwa pynrap wa ki pulit dei chah pynbor ha ka sorkar da em i sñiaw wym chngaaiñ de hapoh jylla wei wa i tih mooyong tooh dang pteiñ bait i hadooh katni yeiwa ka sorkar ym mano ko ki.

Da ong u leh wa ki sahep sorkar chah pynchitom ki ha kiwa mihkhmat iwa daw ktah joor leh ya ka synchaar khadar hapoh jylla.

Neiliang u MLA na Mawsynram, u Himalaya Shangpliang da phylla u wa u langrut wa em ha Lad Rymbai Out Post heiwa lai emkaam ka Agnes wa ka Amita da chim chuti u. Da pynrap u leh wa chwa wow dooh chaniah ki paidbah ya ka sorkar, emkaam wow kem noh ya kiwa emkti ha ini i kaam.

Da beiñ u leh ya u PSO u Kyrmen Shylla uwa da jrong kti ya kiwa yah truck kit mooyong deiwa ong wa ym em de krehkaam ka aiñ wei da sñiawkhia u leh wa ka sorkar ym em klam ko hajrong ini iwa jia.