Jowai: Ka yungbichaar wa ha khlieh dooh ka ri ka Supreme Court ynne ka 11 tarik hawa chong bichaar ya ka mukotduma u Lber Laloo kawa yathoh wa i chah khang tih mooyong hapoh ka jylla Meghalaya heiwa hapoh kani ka mukotduma da sooh lang leh kiwi ki mukotduma kawa yatoh wa kiwi kaam mooyong kam i challan mooyong, ka Supreme Court ynne da chim ko ya ka rai wym chah de wow challan mooyong katwa ym pu chong bichaar nyngkong heiyatoh wa i chah khang i tih mooyong.
Ynne ka sngi ka State Coordination Committee of Coal Owners Miners and Dealers Forum da kyrpaad ki ya ka Supreme Court wow chah ko u challan ya u mooyong uwa da dep kit uwa da em ha luti chwa ka 15-01-19 deiwa chah ya ki wow lai ki lyngba ki Check post wa ki Weighbridge yow poi thaw ki.
Da em leh uwi uwa na ri-loom Garo uwa da wanrah ya ki kot ki sla wa da thied ya u mooyong katkam ka aiñ wei da pynyoo u leh wa da dep su ya ka Royalty tangwa ya oo leh da kyntait ka Supreme Court wow chah u challan.
Ka Supreme Court da ong ko wa u chim chwa ko ya ka mukotduma u Lber Laloo yow bichaar ya i chah khang mooyong wei hadien ini daw pynbait won sa kiwi kiwa sah.
Ka Supreme Court da ong leh waka hukum yong ka wa pynmih haka 28-01-19 u neh hi ko kamjooh ka hukum ka sorkar wa pynmih haka 18-01-2019
Discussion about this post