Kyntait ka Supreme Court wow khang ya ki khynnah u pynemkaam Social Media ki

Ka Supreme Court ka ri ynne ka sngi da kyntait ko wow pdiang ya ka mukotduma Public Interest Litigation (PIL) kawa da yaleh yow khang ya ki khynnah wa hapoh 13 snem wow pynemkaam ya ki rynsan Social Media wa da yaleh da ka Zep Foundation pyrchah ya ka sorkar India.

Ka miej bichaar wa kynthup ya u Justice BR Gavai wa u AG Masih ym bien ki wow pynmih ya kawon kawon ka hukum deiwa ong wa ini chong ko ha ka sorkar wow chim rai.

Wei da ong leh ya kiwa yaleh mukotduma wow lai rah ki ya ini i kaam cha ka sorkar pyrdi.

Kiwa yaleh mukotduma da ong ki wa katkam ka thooh bniah da chem wa kiwa boon ki khynnah da pynlut ki hadooh 5 kynta chi sngi wow pynemkaam ya ki Social Media wei boon da chah kdoh chah khoom hei wow pait Phone.

Kamtæ da kyntu ki ya ka yung bichaar wow khang ya ki khynnah wa em hapoh 13 snem wow pynemkaam ya ki Social Media.

Related posts

11 ngut ki khynnah ka JNV West Jaiñtia kiwa chah jied wow lai puræ Doctor

September 15, 2026

Thoh uwa na East Jaiñtia cha ka Coal Ministry wow booh da ki kyndon wa ye u tih mooyong

September 15, 2026

Da kwah ki leh wow em ki laad ya ki bei ki pa wow ye ki u pait hadooh katwon pynemkaam Social Media ki khon ki.

Da dawa ki leh wow pynchitom ya ki rynsan Social Media ki wym ye u pyntikna yei rta kiwa pynemkaam.