Ki arngut kiwa chah siat yap ha ki pulit ka Assam ha Ultapani, Kokrajhar ynnin i step kiwa suba toh ki dkhot ka seiñ kieñ suloi wa dang mih thymme katæ ka United Liberation of Bodoland (ULB), neiliang ka ULB da kyntait ko ya ini.
Kini ki arngut kiwa chah siat toh kiwa da tipmit kam u Jongshar Mushahary wa u Janak Brahma, da kam da ki pulit toh ki dkhot ka ULB tangwa kiwa hayung u Mushahary da ong ki wa ini toh iwa da sooh buit heiwa u Jongshar toh u dkhot warim ka National Democratic Front of Boroland (NDFB), wei katni ymem yatoh u wa kawon kawon ka seiñ kieñ suloi.
Kiwa ha yung u Jongshar hawa lai pyndep ya niam u da kbai ki leh ya ki kyntien pyrchah ya ki pulit ka Assam.
U General Secretary ka Bodoland Students Union, u Banjit Manjil Basumatary da kam u wa ini waroh toh iwa da leh chynnam.
Neiliang ka ULB leh da kyntait ki wa kini ki arngut toh ki dkhot yong ka wei ka sorkar toh u kitkhlieh ko ya ini wa jia.
Hachwa ini, neiliang ka ULB da maham ko wa lada chah tynyap uwi leh u dkhot yong ka, daw tynyap kylla ko ya 20 ngut ki bru.
Puræ leh: Siat yap ki pulit Assam ya 2 ngut ki dkhot ka seiñ kieñ suloi wa dang mih thymme
