Kyntait ki ar MLA ka ri-loom Jaiñtia wa da psiah ki cha ka BJP

Shillong: Ka khubor wa pynbna ka BJP wa ar ngut ki MLA na Jaiñtia Hills da psiah ki cha ka da pynkulmar bha ko ya ki paidbah ynne i janmiet.

Ka BJP Meghalaya da kam ko wa u Justin Dkhar wa u Robinus Syngkon da psiah ki cha ka BJP ha New Delhi tangwa hawa yaklam wa kini ki ar ngut da kyntait ki ya ini.

Kini ki ar ngut ki MLA da lai yachem ki wa u President ka BJP u Amit Shah ha Delhi wow ekti ha oo ka dorkhat wow dawa wow pyllait noh ya i khang tih mooyong ha ka jylla.

U J.A. Lyngdoh, u Vice President ka BJP Meghalya da ong u leh wa kini ki ar ngut da psiah ki cha ka BJP tangwa u President ka BJP Meghalya u Shibun Lyngdoh uwa synran lang ya ki cha Delhi da ong u wa ki da kular wa daw psiah ki hadien.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

“Ha ka yalang wa kiwa yahkhmat ka party ha Delhi wa emlang u Amit Shah, kini ki MLA da kular ki wow psiah cha ka BJP tangwa ya ka tarik wa ka sngi ym pu em pynbait kawa daw pynman ha Shillong,” da ong u Lyngdoh.

U Justin Dkhar uwa em kattæ ha New Delhi, da ong u wa ha ka yalang wa kiwa kitkaam ka BJP, da tyrwa ya ki wow psiah noh cha ka BJP.

Katkam wa ong u Dkhar, le ngut ki MLA wa kynthup ya oo, u Stephanson Mukhim wa u Robinus Syngkon da lai ekti ki ya ka dorkhat ha u Amit Shah wow kyrpaad na ka sorkar pyrdi wow pyllait noh ya i khang tih mooyong ha kani ka jylla deiwa pynemkaam ya ka Para 12 (a)(b) ka Sixth Schedule deiwa pynbna u President ka ri India.

“I ong hi-eh i wa da khreh wow psiah cha ka BJP lada ye u chah biang u tih mooyong” da ong u Dkhar.

Da ong u leh wa oo, u Syngkon wa u Mukhim dang kyrchaan ki ya ka sorkar MUA-II wa yahkhmat da ka Congress.

“Lada psiah i cha ka BJP, haap dam noh i wow kyrchaan ya ka sorkar.” da ong u Dkhar.