Jowai: Neiliang ki le seiñbhalang wa kynthup yaka Jaintia Students’ Movement (JSM) Central Body, ka Khasi Students’ Union (KSU) Jaintia Hills District Unit wa ka Jaiñtia National Council (JNC) Central Body, kwah ki wow pynche paidbah wa mih khubor wa dawa kyrriah kaam ya u Superintendent of Police ka East Jaiñtia District man ko kawa ym toh kawa sakhiat.
Da ong ki wa i dawa kyrriah kaam ya u SP da mih khubor ko wei kam ki le seiñ ym em pyrtuid lang ha wow dawa kyrriah kaam ya u SP. Iwa jia toh heipor wa chah ksoh ki dkhot ka MPUF, ha katai ka sngi waroh le seiñ leh da ya lai lang cha yungkrehkaam u SP da i thmu wow paan pynche hajrong iyi i daw wa chah kem ki dkhot ka MPUF. Tangwa ha i tai i por ym em yoh u yachem wa u SP na ki daw wym ye u kiar. Kamtæ hajrong ini da pynrem donhi ya u SP wa i leh wym yohlaad u psiah neibynta ka bha tangwa ym em won ong wow dawa hapoh 15 sngi wow kyrriah kaam ya u SP.
Kamtæ da pynsñiaw leh wa ym em bynta leh wow soi yaka Memorandum dawa kyrriah ya u SP na u Home Minister ka sorkar Meghalaya kawa ki san seiñ da lai e ki haka 29-11-2019.
Da ong ki le seiñ wa u SP hi wa kam ki paidbah ka thaaiñ hi waroh kawi ki yoh myntoi khamtam nadooh wa wan uni u SP, ki kaam sih kiwa harukom da sdang doohjait ki khamtam ya ka kaam khayi wa i chalan drugs.
Discussion about this post