Kyntait u CMD ka MeECL wa ye u pynmih bordiñ du 60MW

U CMD ka MeECL da kyntait u yei pynbaad wa da ye u pynmih du 60MW wei da dooh nong hadooh T. 50 klur neidaw wym biang i pynbait yei rukom pynmih bordiñ.

Hajrong ini, u CMD da ong u wa ka MeECL em ko du ki Hydro Power Plant yow pynmih bordiñ wei kini ki Hydro Power Plant toh kiwa chaniah hei hiar u slap wei hadooh katwon dap ka um. Wei katkam wa da tip wa ha uni u snem hadooh kattæ ha Meghalaya slem u slap u wan wei duna u slap hawa nujor ha ki por wa da lai. Da ong u leh wa ym toh du ka MeECL, hadooh ki Hydro Plant ka NEEPCO wa em ha ka thaaiñ Northeast leh da chah ktah ki neidaw wa duna u slap ha uni u snem. Heiwa na waroh i bhah wa toh u yow iwa 147 MW, ka NEEPCO da ye ko wow phah 90 MW cha ka Meghalaya man-ka-sngi.

Da ong u wa tangwa neidaw wa biang i rukom pynlai, ka MeECL da ye ko wow pynmih ym duna ya 150 MW na ki thaw pynmih bordiñ yong ka ha uni u Naiynru, wei da ye ko leh wow dai kamwa 19.5 Million Unit deiwa pyntikna wa biang bordiñ waroh 24 kynta hapoh ka jylla.

Chooh chooh da ong u wa ka Myntdu Leshka leh da ye ko wow pynmih bordiñ katkam i bor ko iwa 126 MW manda biang i wan u slap. Wei em i por wa ka MePGCL da pynduna chynnam ko yei pynmih bordiñ yow pynbiang ya ka um hapoh ka Dam lada i dor dai bordiñ ym em man i iwa biang. Kamtæ u CMD da ong u wa lada nujor wa ki snem wa da lai, da chem wa i pynmih bordiñ ha uni u Naiynru wa kiwi ki snem man i i jooh lait noh ha 2020. Deiwa pynche wa ha u snem 2020 ka Meghalaya da yoh ko chiboon u slap. Katwa ka thaaiñ Northeast da yoh ko duna u slap, ka Bihar da yoh ko 176% na iwa jooh yoh ko iwa pynyoo yei kylla i rukom man ka pyrthai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ka MeECL da pynmih bordiñ ko heitæ i rukom wow ye u pynyoh nong ya ka Corporation. Wei yeini da yoo yei sabut heiwa ka Indian Energy Exchange (IEX) da pynyoo ko yei dor ha u Naiynru, 2021 man ko T. 2.95 chi Unit, heiwa ka MePDCL da ye ko wow dai yei bordiñ wa tam yong ka hei dor T. 3.34 chi Unit iwa pynyoo wa biang i rukom pynkrehkaam yei bordiñ. Heiwa nachwa ka MeECL da ye ko wow dai ya i bordiñ wa tam du 10 Paise chi Unit.

Kamtæ hajrong ini da ong wa waroh i pynbaad toh iwa khlem yurim.