U Montri Rangbah ka jylla, u Conrad K Sangma da ong u wa na iwi næ ar tylli i jia ymye wow ong wa ka jylla chah ktah i chongsuk, heiwa da ong u wa i jia næ ki kaam pyrchah aiñ jooh jia hi ki, tangwa emkaam wow yaleh pyrchah ya ki.
U Conrad da ong u leh wa man iwa bakla wow ong wa chah ktah i chongsuk du na ki kattu katni ki kaam.
Kam wow kdaw heini wa hapoh chi tayaw hapoh nongbah Shillong da sakhi ya ki kaam damok, wa kynthup ya i pdung Bomb IED ha Khyndailad, ha ka Sngi Choh-that ka 5 tarik ki damok ki wym tipmit da lute ki ya ar tylli ki Petrol Pump kiwa em ha Shillong deiwa rah lang wa ka suloi AK.
Hawa kylli, u Conrad da ong u wa kam kini ki kaam ymtoh wow jia ki, wei lada em ki kaam pyrchah aiñ emkaam wow kem ya kiwa emkti wei emkaam leh wow yakhun pyrchah ya kam kini ki kaam, deiwa pynrap wa neiliang ka sorkar daw pyrchang ko katwa ye wow lait na kam kini ki kaam u jia ha ki por wow wan.
