U Montri Rangbah ka jylla Meghalaya, u Conrad Sangma da pynche u yei pynbaad u Montri Rangbah warim ka jylla, u Mukul Sangma ynne hapoh ka yung dorbar chna aiñ deiwa sai da i dur wa chondur lang u Conrad wa uwi u bru na Mizoram uwa tip kam u Henry Lalremsanga uwa da ong ki pulit kam u snar khayi drugs namo u Drug Kingpin hadien wa chah kem u wa i dawai kuli wa man da khang da ka aiñ iwa chongdor T. 6 klur ha u snem 2013.
U Mukul da pynbaad u leh wa yajan bha u Conrad wa uni u bru.
Neiliang u Conrad da ong u wa oo kam uwa mihkhmat paidbah da chondur u wa ki phaw lak ngut ki bru nadooh heipor wa lai luti u cha wah chaneiñ da em kiwa wan wow paan chondur lang wei ym jooh kyntait u kam u bru wa tipmit ki paidbah.
Kamtæ da ong u wow chim wow rai pynrem du neidaw iwi donhi i dur toh i wym biang dooh i rukom pyrkhat neibhah emkaam ya ki sabut wei oo hi ym tip iyi ini i kaam wa da chah pynbaad u neibhah emlang kiwa boon ki bru ha itu i por, wei kam u bru wa ki paidbah tipmit ki hap u wow yaklam wa waroh ki bru.
“Iwi donhi i dur wa chah chon wei da chim yei rai wa nga emkti lang O ha kini ki kaam wei lada toh iwa em kam itæ daw bna haw næ, daw man i iwa heh bha i kaam wei lada kamni daw hap u dam chah chondur wa ki paidbah, daw hap O u dam noh u lai cha ki yalang paidbah,” da yasaaid u Conrad.
Da ong u leh wa ha kani ka juk Social Media wa katni du na iwi i dur u ong wa kini toh kiwa ya krehlang toh iwa bakla bha wei ha ki yalang, i pynbait yei rukom chong toh iwa jooh jia hi wei da ya chonglang wa ki hajar ngut kiwi ki bru wei ym mut wa ya krehlang næ du katwa yaklam toh wa ya krehlang.
Chooh chooh da ong u wa lada em mo i pyrtuid u Conrad Sangma ha ka Police Case, wei ini toh iwa emkaam wow kylli.
Kamtæ da ong u wow pynmih kat da ini i pynbaad da u bru wa em hei kyrdan toh iwa sñiawsih.
“Lada nga thooh O ha Internet nga leh ym dam O wow chem yei dur yong kiwi leh kamjooh,” da ong u Conrad.
Discussion about this post