U heh warim ka Narcitics Control Bureau (NCB) Mumbai Zonal, u Sameer Wankhede da ong u ha Bombay High Court ynne wa ym em dawa poisa u na u Shah Rukh Khan wow pynlait ya u khon u, u Aryan Khan hadien wa chah kem heiyatoh wa i kaam drugs.
U muktiar u Wankhede, u Aabad Ponda da yasaaid u ya uni u sahep ka Indian Revenue Service (IRS) pyrchah ya ka FIR ha u May 2023 wa booh da ka Central Bureau of Investigation (CBI) wa baam-tooh u.
U Ponda da ong u hakhmat ka miej bichaar u Chief Justice Shree Chandrashekhar wa Justice Suman Shyam, wa neiliang u Wankhede ym em chim poisa u na u Shah Rukh Khan.
Katkam ka FIR ka CBI, da pynbaad wa u Wankhede wa kiwi da dawa ki Rs. 25 Klur na u Shah Rukh wow pynlait ya u Aryan.
Chooh chooh u Ponda da ong u wa ka CBI ym em sabut ko pyrchah ya u Wankhede wa dawa poisa u.
Kam wow pynkynmoo wa ka Narcotics Control Bureau (NCB) da yoh yutip ko wa em i pynlai drugs ha ka Cruise Ship Cordelia heiwa manda pynman yei kynreh da kem leh ya u Aryan Khan.
Ka CBI da Register Case ko pyrchah ya u Wankhede hapoh ka Section 120-B ka Indian Penal Code wa Section 388 IPC kamjooh i dawa poisa hapoh ka Prevention of Corruption Act.
Ya u Aryan Khan da kem na ka Cordelia Cruise Ship ha ka 2 tarik u October 2021.
Ka NCB da Charge Sheet ko pyrchah ya 14 ngut tangwa da pynlait ko ya u Aryan Khan.
Discussion about this post