Kyntait u Justice Yashwant Varma yeiwa chem ya ka poisa napoh ka yung wa sah u

U Justice Yashwant Varma da kyntait u yeiwa chah pynbaad u wa chem poisa napoh ka yung wa sah u hadien wa wan kiwa tympleh yei diñ.

Hei jubab wa da e u dei thoh da ong u wa kani ka thaw wa chem ya ka poisa ymtoh napoh ka yung wa sah u tangwa na kawi ka yung trep kawa man kam ka Store Room kawa ymtoh kam chibynta i yung wa sah u wei oo deilang ka yung ka sem u ym em lai booh poisa ki hapoh kani ka Store Room.

Da pynche u leh wa ini i iñ ini i thaw toh iwa da jia ha ka miet ka 14 tarik uni u bnai wei ya kani ka Store Room da pynemkaam da kiwa boon ki bru wow booh ya ki tiar wym emkaam nadooh ki chuki wa da sih, ki klong, ki kchu, ki Carpet wa kiwi de.

Kani ka Store Room leh toh ka wym em khang tala wei kawa ye u pynemkaam da waroh kiwa kreh ha kani ka thaw sah u wei ym em leh yabi ko wa yung wa sah u wei ymtoh kamwa mih khubor wa ya kani ka poisa da chem napoh ki kamra ka yung wa sah u.

Related posts

Daw pynchitom ya kiwa pynman yadaw masi ha West Jaiñtia Hills

September 17, 2026

Khut ka Khimusniang ya kiwa kwah thied Khruk-Khruk wa kiwi de ki Stall deilang ka Tent House neibynta ka Fete 2026

September 17, 2026

Chooh chooh da ong u leh wym em wa pynyoo cha ka khon næ cha ka bei u ya kani ka poisa kawa iñ wa chem na kani ka thaw.

Heipor wa jia ini, u Justice Varma em u wa ka kurim u ha Madhya Pradesh wei da em ka khon wa ka bei u ha yung wei oo da liwan u cha Delhi hei janmiet ka 15 tarik.