U Montri sorkar, u Marcuise N Marak hadien wa da mih ka khubor thok wa chah pynyap u ha ka GNLA, da ong u wym em de ki seiñ kieñ suloi ha Garo Hills neibhah ki khynroo katni da man ki kiwa da stat da che lyngba ki laad yarap wa da e ka sorkar yow pynkupbor ya ki.
Da ong u wa nachwa ka GNLA wa ka ANVC toh kiwa khlan bha ha ki thaw wym em luti syngkieñ hadooh ki yingkieñ tangwa katni kiwa chong chnong leh ym em de kyrchaan ki ya ki seiñ kieñ suloi wei lada em leh kiwa da pyrchang wow sdang biang, ka sorkar daw leh ko yeiwa emkaam.
Da ong u wa ka Constituency u, ka Williamnagar toh kawa khlan bha i krehkaam ka GNLA wei da boon bha ki khynroo kiwa da chah yahbakla tangwa kini hi ki khynroo katni da yaleh kreh pulit ki neibhah wa da ngait ki toh iwa da leh deiwa khooid.
Ym du itæ da ong u wa ka sorkar da yarap ko leh wow pynkhreh ya ki Competitive Exam yow yarap ya kiwa yaleh DSC wei da em leh kiwa da pynkhreh da ki Homestay, i thied kari kamai wa kiwi de deiwa yarap poisa ka sorkar.
Kamtæ da ong u wa kattæ ym em de ki khynroo wa chrai hadooh wow lai uiñ biang cha ki seiñ kieñ suloi neibhah wa katni da yoh ki ka laad kamai.
Heiyatoh won wa kitu kiwa da wan pyndem ki wym pu em yoh yei yarap kamwa da kular, da ong u wa kitu ki wym em hun ye ki wow wan chakhmat neibhah wym em wa khang ya ki wow wan yaklam.
Discussion about this post