Kyntait u MLA ka HSPDP yei tyrwa ka UPF neibhah wa dang chaniah u ya ka RDA

Shillong: U MLA ka HSPDP uwa man leh u montri ka sorkar jylla u Samlin Malngiang da kubur u wa da chah khut u ha ki lok na ka dhab thymme ka United Progressive Front (UDF) tangwa da kyntait u wow emlang wa ka neidaw wa dang chaniah u ya ka Regional Democratic Alliance (RDA).

Hawa yaklam wa kiwa pathai khubor ynne ka sngi, u Samlin da ong u wa da lai u chisien ha ka yalang kawa khut ki tangwa da pyntikna u wa ym empu em i thmu u wow ieh ya ka RDA.

Heijooh i por, da ong u leh wa ym em iwon iwon wow klam næ pynbaad pyrchah u ya ka UFP tangwa kitbok hi-eh u ya ki wow lai ki chakhmat.

Kam wow kdaw heini, ya ka UPF da chna da ki MLA ka PDF, NCP wa MLA samen, kawa da kdaw wa daw man ko kawi ka dhab yong ki seiñ ri-loom wow yaleh u yaklam chaphang ki kaam pynroi.