U Ronnie V Lyngdoh uwa da man su oo samen u MLA ka Congress, da kyntait u yei em kiwa da ong wa daw psiah noh u cha ka National People’s Party (NPP), deiwa ong wa ini toh wa em kiwa mutdur donhi.
Hawa yaklam wa kiwa thoh khubor ynne ka sngi, da ong u wym tip u neiwon mih ini wei da em kiwa chna hi-eh yow yoh u pynmih khubor.
U Ronnie uwa man leh u MLA ka Mylliem, ini wadep da suki hi-eh u yeini wa mih khubor ynnin ka tayaaw tangwa ynne da klam u yeini deiwa ong wym em u iwon iwon i thmu wow mih noh napoh ka Congress yow psiah cha ka NPP.
Heiyatoh won wa ka Election MDC wa dang dep heiwa ka Congress ym em jop ko kawi leh ha KHADC, da ong u wa ka Party daw chong yachem ko yow pait bniah yei daw wa da jia ini.
Chooh chooh da ong u wa daw leh yeiwa emkaam yow pynkhlan ya ka Congress ha ki Election wa daw wan deiwa pynrap wa ki Election toh i mon yong ki paidbah.
Discussion about this post