Kyntait u SP wa kem du ya kiwa khian wa nai kiwa dai drugs

U Superintendent of Police ka East Khasi Hills, u Sylvester Nongtnger da ong u wa ki pulit ym em chong kli-kti ki jajiak leh wow yakhun pyrchah yei drugs wa kiwa khayi drugs. Da ong u wa toh sakhiat wa i kaam khayi drugs da ku ko ha East Khasi Hills, tangwa ymtoh iwa sakhiat wow ong wa ki pulit ym em leh ki iyi iyi yow yakhun pyrchah yei drugs.

Hawa e yukheiñ kattu katni nadooh u snem 2019 hadooh kattæ, da pyntip u wa ha u snem 2019 da em 52 tylli ki Case wa da Register wa 92 ngut kiwa chah kem, ha u snem 2020, 28 tylli ki Case wa da Register wa 45 ngut wa da chah kem, ha u snem 2021 da em 26 tylli ki Case wa da Register wa 48 ngut kiwa chah kem. U SP da pyntip chooh chooh u wa ha u snem 2022 da em 46 tylli ki Case wa da Register wa 114 ngut kiwa chah kem, katwa ha u snem 2023 da rap boon bha heiwa da em hadooh 71 tylli ki Case wa da Register wei hadooh 133 ngut wa da yoh kem, wei ha uni u snem hadooh u Naisaphra da Register hadooh 27 tylli ki Case wei da kem 53 ngut ki bru.

U SP da pyntip u leh wa nadooh u snem 2019 hadooh u Naisaphra uni u snem, da em hadooh 250 tylli ki Case wa da Register wa 485 ngut kiwa da chah kem, wei pyntip u leh wa da yoh khyrrup 16 kilo chiteiñ i Heroin, 2 kilo chiteiñ u bhang wa palat 2 kilo u Opium najrong ki dawai kuli YABA wa kiwi ki jait dih pynmuaid.

Hawa kylli, u SP da khana u wa napyrdi kiwa chah kem boon toh kiwa khayi wei em leh kiwa dih wa kiwa dai leh yei drugs, wei da khana u wa na kitai Case kiwa boon tylli toh kiwa dadep Chargesheet wei em leh kiwa dang lai hapoh i bichaar ya ki mukotduma.

Related posts

E khublei Christmas wa u snem thymme ka Synjuk Waheh Chnong Ri Jaiñtia

December 23, 2024

Pynthymme ka NPP ya kiwa kitkaam ka Amlarem Block

December 23, 2024

U Nongtnger da kyntait u leh wa i kem toh du kiwa dai khutia yei drugs, deiwa ong wa ka thong yong ki pulit toh wow kem ya kiwa khayi kiwa heh, wei pynsñiaw u leh wa kiwa khayi kiwa heh toh kiwa krehkaam na jngai.

Hawa kylli kammon da leh yei drugs wa da yoh kem, u SP da khana u wa ka sorkar da thung ko da ka Drug Disposal Committee yow pynsih yei drugs wa da yoh kem, wei kamjooh da khana u leh wa ki thaw wow thang yei yei drugs toh ha Lumshnong, wei hadien wa da kut ka Case da thang noh yei drugs wei da jooh leh 2-3 sien chi snem.