Kyntait u Syiem ka Hima Nongspung wa e NOC u wow chna sarok

Shillong: U Syiem ka Hima Nongspung u Patrick Syiemiong da kyntait u hakhmat u Deputy CEM ka Khasi Hills Autonomous District Council (KHADC) u Pyniaid Sing Syiem ya i chah pynbaad wa da e No Objection Certificate (NOC) u ya ka sorkar Assam wow chna ya ka sarok PMGSY yong ka sorkar pyrdi ha Balakhawa.

U Patrick da pynbaad kylla u wa ya ka NoC da e samen da u Secretary ka Hima u Michael Warjri ha u snem 2016.

Ha ini i chah khut hajir u Syiem wa u Secretary ka Hima da em leh u EM wa toh u pait yaka thaw ka bhaw u Titosstarwell Chyne wa u EM ka chnat Youth Affairs u Rangkynsai Kharbuki.

Hawa yaklam wa ki laad pathai khubor u Pyniaid da ong u wa katkam i kdaw wa i pynbaad u Syiem ka Hima Nongspung u Patrick Syiemiong da pynsñiaw u ha khmat yong ki wa toh bait du neiliang u Michael Warjri, Secretary ka Hima wa e ya kani ka NOC cha ka sorkar Assam ha ka 25-06-16.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u leh wa ya ini i e NOC toh iwa da soi pyrtuid lang wa u MLA ka Assam.

Da pyntip u leh wa u Syiem da wan u deilang wa ki le ngut ki Lyngdoh wa ki Executive Member ka Dorbar wei da e leh ya i thoh wei da yaklam leh ya kani ka kaam wei neiliang u Syiem da pynsñiaw u wa ym embynta u iyi iyi leh hei e NOC cha ka sorkar Assam wow chna ya u sarok.

U Dy. CEM da ong u wa neiliang ka KHADC ym pu ye ko wow chim rai heiyatoh wa kani ka kaam neidaw wa u Michael ym ye u poi cha kani ka yalang heiwa da phah u da i thoh wa ym em chait u.

Da ong u wa ka KHADC da pynkhreh biang ko sa kawi ka chithi wow khut biang ya u Secretary ka Hima Nongspung u Michael Warjri ha ka 29 tarik uni u bnai khnang wow chim noh ya ka rai.

Da pyntip u leh wa ka Council lyngba u Syiem da yoh ki ya ki kot ki sla wa pynsakhi wa da soi u Secretary ka Hima Nongspung u Michael uwa e NOC cha ka sorkar Assam wow chna ya ka sarok PMGSY ha ka chnong Balakhawa.

Kam wow pyn kynmoo wa u Sordar ka Warmawsaw-Umsohbar, u Manason Daloi da ong u wa u Syiem da e NOC u cha ka Assam ha u snem 2011, u Pyniaid da ong u wa ha u snem 2011 u Patrick ym pu em man Syiem wei ha u snem 2014 lane 2015 da yoh u wow ksoh kam u Acting Syiem ka Hima Nongspung.

Hawa kylli, da ong u wa ka KHADC lada chem ko wa toh sakhiat u Michael wa e NOC ya ka sorkar Assam wow chna sarok, daw chim yaka rai wow pynchitom katkam ki aiñ ka District Council.

Also Read: Chah thombor u Michael neidaw wa leh embor hi u: Raij Warmawsaw-Umsohbar