U President ka National People’s Party (NPP) Meghalaya, u Prestone Tynsong da kynthah joor u yaka Voice of the People Party (VPP) neidaw wa pynkylla yaka yurim hajrong i klam ktien Hindi cha baar ka Yung Dorbar Chna Aiñ ka jylla.
Hawa yaklam wa ki laad pathai khubor ynne, u Prestone da ong u wa da yoo wa ka VPP da pynmih ko leh yei kyrpaad (Appeal) ya kiwa thap Vote deiwa thoh da ka ktien Hindi, wei pynrap u deiwa ong wa ym tip de neiwon yoh bru ki wow pynthoh ha ka ktien Hindi.
Da ong u wa ini i leh ka VPP da yoo la kam wa leh Drama neibhah hapoh ka Yung Dorbar Chna Aiñ ka jylla da ong da kamwi katwa cha baar ka Yung Dorbar won da klam ki da kamwi, wot ha i por yalap Election.
Kamtæ da ong u wa ini i leh yong ka VPP da ieh hei stat kiwa thap Vote, wei e wa kiwa thap Vote u booh yukylli ki heipor wa toh.
Ha iwi i liang, u Prestone da ong wa ka NPP yieñ ko ha ka yurim neibynta i bha i miat ki paaid ri-loom ha waroh kawi ka ri India, ymtoh kam ka VPP kawa pynbna maya jaitbru du ha ki kattu katni ki District ka Meghalaya.
Discussion about this post