U Jambor War uwa man u Executive Member wa pait ya ka chnat Elaka ha KHADC da ong u wa hadien i takit, heiyatoh wa i kyntoor pood wow chna ya ka Transit Camp ka Assam, da chem che wa ka sorkar Assam da knieh yabor ko ya i thaw wa em ha Raid Marwet.
Da ong u wa i takit da chem wa u Syiem ka Raid Marwet wa ki tre thaw ym em e ki ya ka NOC wow chna ya kani ka Transit Camp da ka sorkar Assam wei ini che i kdar wa thombor wei knieh yabor ka sorkar Assam ya ki thaw ha Raid Marwet.
U Jambor da ong u wa hadien wa ka KHADC da yoh ujor ko na ki paidbah wa na u MDC ka thaaiñ hajrong i chna ya kani ka Transit Camp hapoh u pood ka jylla Meghalaya, ka Executive Committee da ekti ko ya ini i kaam ha u EM In-charge ka Elaka heiwa ka chnat da hiar pait ko ya kini ki thaw wa chah knieh yabor.
Chooh chooh da ong u wa neiliang ka District Council da thoh ko cha ka Deputy Commissioner ka Ri Bhoi District wow phah sangeh ya i kreh ya ka Transit Camp wei da paan pynche leh na u Deputy Commissioner ka Kamrup, u DGP ka Assam wa na u Chief Secretary ka Assam hajrong ini i kyntoor pood ka sorkar Assam.
