Ka Akhil Bharatiya Vidyarthi Parishad (ABVP) Jowai Unit, ynne ka sngi da e dorkhat ko ha u Deputy Commissioner ka West Jaiñtia Hills District, u Garod L.S.N. Dykes.
Neiliang ka seiñ da kyntu ko ya ka sorkar wow pynheh ya ka Deen Dayal Upadhyay Community College, Wahiajer kawa haap hapoh ka NEHU.
Katkam wa man kattæ da em du kawi donhi ka liang puræ namo ka Course wa esikai ha kani ka thaw kamtæ ka seiñ da kyntu ko yaka sorkar wow pynmih rap boon ki Course wow esikai ha kani ka thaw kam ki Electrician, Plumbing, Food Processing, Hospitality wa kiwi kiwi.
Ka seiñ da ong ko wa lada em kini ki Course wa boonjait daw yarap bha ko ya ki khynroo khyllood ka ri-loom Jaiñtia wow yoh ki ka laad ka luti wow yieñ ha ki kjat yong ki dahi.
Chooh chooh ka ABVP da kwah ko wa ka sorkar toh u pynbiang ko ya ki Administrative Building, ki Academic Block wa ki Hostel neibynta ki khynnah chynrang wa kynthai kamjooh leh ka Guest House kawa biang.
