Ynne ka sngi ka seiñ Akhil Bharatiya Vidyarathi Parishad (ABVP) Meghalaya hapoh i yahkhmat ka Darilin Tang kawa man kam ka State Secretary ka seiñ da lai iachem ki ya u Vice Chancellor ka skurbah NEHU u Professor S.K. Srivastava.
Ha ini i yachem da ekti ya ka dorkhat wa yatoh wa i slem ware u pynmih ya ka Result yong kiwa yakhun ya ka Exam Final Semester Examination (Graduation).
Ka seiñ da ong ko wa katkam wa man katni da boon ki skurbah (University) hapoh ka ri da dep pynmih ki ya ka Notification wow sdang pdiang ya ki khynnah wow puræ ha ki kyrdan Masters waphær waphær.
Hajrong ini, ki khynnah puræ hapoh ka skurbah NEHU da chem chitom ki wow psiah namo wot wow pteiñ yei puræ yong ki neidaw wa slem u yoh ki ya ki result yong ki.
Ka seiñ da ban joor ko wa katkam ka hukum ka UGC da ong ko wa ka Result yong ki Final Semester ka NEHU toh u pynmih hapoh ka 31 Naichiphaw (October) 2020 wei hajrong ini da kyntu ya ki bor wa hajrong wow pynsmat ki u pynmih noh ya ka Result wut-wut.
