Jowai : Ka AJYWO Central Body lyngba ka khubor na u President yong ka u ma M.H. Dkhar da kyntu ko ya ka National Highway Authority of India (NHAI) wa ya ka G.R. Infrasture Ltd. kawa shim kontrak yow chna ya u sarok arliang NH 44 nadooh Soomer WJHD hadooh Malidor EJHD u pynsmat ki yei kreh.
“U Sarok NH 44 toh u thied snaam wa emkaam tam ha i lai i wan ym du ya kiwa chong ha ka jylla Meghalaya tangwa kiwi ki jylla ka thaiñ Mihsngi ka India da suki ware i kreh heini iwa da ktah bha ya i lai i wan ki paidbah”, da ong u M.H Dkhar.
Ka AJYWO da kyntu ko leh ya ka G.R. Infrastructure Ltd. wow pynsmat yei kreh yow lait i pumpum wei wow suk i lai i wan ki paidbah.
Heijooh i por da kyntu ko leh ya ka ya ka G.R. Infrasture Ltd. wow chna pynmiat ya ki thlu wa ki bynta wa sih kamwa dang kreh khyrngang ko ya uni u sarok.
Also Read: Pyn sangeh ki ar seiñbhalang yei kreh sarok Jowai-Malidor-Malidor
Discussion about this post