Jowai: Ka Bharat Janata Yuva Morcha (BJYM) (Youth Wing) West Jaiñtia Hills District, lyngba ka khubor na u President u Jersom Shylla kamjooh na u President ka Amlarem Mondal u Everest Langstang da lai yachem ki wa u Chief Executive Officer (CEO) ka Meghalaya Energy Corporation Limited (MeECL), Jowai, u M.B. Kurbah ynne ka sngi 8 tarik ha yung krehkaam yong oo wow kyntu wow pynbiang ya ka light heini i por wa man exam ki khynnah hapoh ka District.
Ha kani ka sngi da e leh ya ka dorkhat ha u CEO ka MeECL wei da kyntu ya oo wow chimkhia ya ini i kaam ha kini ki bnai wow man exam ki khynnah hapoh West Jaiñtia Hills.
“Ini i yap ka light dei langær ktah ko ya ki khynnah wa ki khynroo ki wow leh exam waphær waphær” da ong ka seiñ.
Neiliang u CEO da kular u leh wow pynbiang wei wow leh yeiwa emkaam hei yatoh weini.
Ka seiñ da e khublei kitbok ko leh ya ki khynnah kiwa pynkhreh exam.
Discussion about this post