Kyntu ka CoMSO ya ka DC wow pynkrehkaam lang ya ka DTF cha baar ka Shillong

Shillong: Ka Confederation of Meghalaya Social Organisation (COMSO) da kyntu ko ya ka Deputy Commissioner ka East Khasi Hills kawa man leh ka Chairman ka District Task Force, ka Matsiewdor War wow pynkrehkaam noh ya ka DTF cha ki thaw wa haap ha ka thaaiñ khappood kamjooh leh ha khapsor.

Hawa yaklam wa kiwa pathai khubor hadien wa yachem wa ka DC, u Secretary ka CoMSO, u Roykupar Synrem da ong u wa ka DC da pyntip ko wa ka DTF jooh pynman ko yei kynreh man la u bnai wow chem ya ki bru kiwa chong tooh, wei ya ini hadooh ynne da leh du hapoh ka sor Shillong.

Da ong wa ka seiñ da kyntu ko ya ka DC wow pynkrehkaam leh ya ka DTF cha ki thaw ha khap sor wei khamtam cha ki khappood neibhah ka East Khasi Hills District yabi u pood ko wa ka ri Bangladesh.

Hawa kylli, da ong chooh chooh u wa ka DC da pyntip ko wa nadooh wa pynkrehkaam ya ka DTF hadooh ynne ympu chem ya kiwon kiwon ki baar jylla wa chong tooh, neibhah hawa lai kynreh da chem wa waroh biang ki ya ki kot ki sla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Synrem da ong u leh wa ka DC da kyntu ko leh ya ka seiñ wow pyntip lada chem ki namo chon khmat ki ya ki bru khnang wa ka DTF daw ye ko u leh yeiwa emkaam.