Kyntu ka EJNC-MEU ya ki yung bichaar yow kyntait jamin ya kiwa ksohbor

Jowai : Katkam ka khubor wa da pyllait da u President ka EJNC Middle East Unit u Nini W. Sungoh da ong wa hadien wa da boon ware ki kaam chah ksohbor ki khynnah hapoh ka District neiliang yong ka seiñ da pynsniaw ko yei diaw mynsien ko khamtam yaka imlang sahlang.

Ka seiñ da kyntu yaki District Court wa em burom wa ymtoh u e jamin ya kam kini ki damok ki wym em mynsien de para bru wei wow pynchitom leh yaki katkam ka kyndon aiñ khlem da bichaar chiliang.

“Ka EJNC-MEU lada chem ko wa ka aiñ pyllait suk ko ya kam kini ki bru ka seiñ dei wym yohsa daw pynchitom ko ya kini ki damok katkam ki kyndon ka seiñ hanlada yoh jamin ki” da ong u President ka seiñ.