Ka East Jaiñtia National Council (EJNC)-Khliehriat Circle, lyngba kani ka kyrwoh da kyntu ko ya ka yung krehkaam u Deputy Commissioner ka East Jaiñtia Hills District wei kamjooh yaka Health & Family Welfare Department wow pynbna yei pyrtuid yong ki 2 ngut kiwa yoh COVID-19 ha Khliehriat.
Ka seiñ da ong ko wa deiwa leh ya ini, ki paidbah daw suk ki wow pyntipmit pyn ya ki lada yachem ki wa kini ki 2 ngut, wei i muhrieh ya ki pyrtuid yong kitu kiwa yoh COVID-19 da pynchong sier ko ya ki paidbah.
Ka EJNC-KC da sñiaw ko wa i por da toh yaka sorkar wow pynmih pyrtuid yong kiwa yoh COVID-19 khnang waki paidbah u ye ki wow yada kamjooh wow wan chakhmat yow pyntip lada yachem ki wa kitu kiwa mih pyrtuid, yow pynsuk ka sorkar wow kdooh u khoom yei poor smat uni u khñiang COVID-19, pynkut ka kyrwoh na u Evident Tariang, President EJNC-KC.
