Ka seiñ East Jaiñtia National Council (EJNC) hei lai sylli yong ka ya u sarok NH-6 wa dang dep wot u pynchna da ka National Highways Authority of India (NHAI) lyngba ka GRIL, ka seiñ da chem ko wa uni u sarok da jæd da pra bha u ha kiwa boon ki thaw khamtam haki chnong kiwa haap hapoh ka Elaka Narpuh, East Jaiñtia Hills District.
Ka EJNC da pynsñiaw ko yei sñiawphylla hajrong i smat sih yong uni u sarok wa dang dep wot u chna du ha kini ki khjiak snem wa da dep, yeini i sih smat uni sarokbah da pynyoo che ko yei kreh khalær yong kani ka Company chna sarok.
Hajrong kani ka yurim, ka EJNC da dawa jur ko naka NHAI lyngba ka GRIL wow pynchna smat katwa ye ya uni u surok neibynta i suk i saiñ yong ki paidbah wa lai lyngba uni surok.
Ha kawi won ka liang ka EJNC da e kyrchaan pura ko yei dawa yong ka chnong Umkiang hajrong kani ka jooh ka kaam.
Ka kyrwoh na u Bormi Ryngkhlem, Assistant Finance Secretary ka seiñ EJNC-CEC.
