Jowai: Ka FKJGP-Jaiñtia Hills ynne ka sngi ha i yahkhmat u President yong ka u Tuesday Lytep da lai yachem ki ya u sahep ka DMR, West Jaiñtia Hills hadien wa ood ki paidbah cha ka seiñ heiyatoh wow challan mooyong wa dang sah katkam ka hukum ka Supreme Court haka 14 tatik uni u bnai.
Ha ini i thooh yutip ka seiñ, u sahep ka DMR da ong u wa da chah du wow pynthymme du ya ki challan wa dang sah wei da kyntu u leh ya ki bru kiwa em yaka challan warim wow wan e kti (Surrender) ya ki challan cha ka yungkrehkaam ka DMR khang wow yoh u phah smat ya ki cha Shillong.
Hawa kylli ka seiñ wa lada em ki challan kiwa da wan Surrender ki bru da phah cha Shillong, da jubab u sahep wa da dep phah ya ki cha Shillong.
Neiliang ka seiñ da kyntu joor ko yaka sorkar wow chimkhia wow pynlait ya ki challan yow lait ki paidbah na i chitom khamtam kiwa kup chilliang wa sem chilliang yow yoh ki yaka kamai ja kpoh khamtam ya kitu kiwa da dep chwa wow su yaka bai challan waka bai Royalty.
Discussion about this post