Ka FKJGP – Khliehriat Circle ynne ka sngi hapoh i yahkhmat u president yong ka, u Michal Chyrmang wa u General Secretary u Fullmoon Nongtdu ynne da lai e dorkhat ki ha u DC ka East Jaiñtia u A. Baranwal wow dawa chna noh ya i bynta u Sarok NH-6 uwa da wiar u chiliang hadien wa oor u wei katni da pynman ya oo kam u sarok One Way.
Uni u sarok uwa da neh kamni la kamwa chi snem em u ha chnong Byndihati chwa wow poi ka Infiltration Check Point, wei ka NHAI da ieh ko ya oo khlem chna pynmiat de.
Neiliang u DC da phone u ya u Regional Director ka NHAI wow pynsñiaw ya ki dawa ka seiñ.
Hawa yaklam wa u DC ka seiñ da kyrpaad ko ya oo wow chimkhia wow phah chna pynmiat noh ya uni u sarok wa ki bynta wa sih hapoh ka Khliehriat West neibhah wa da sakhi wa da chna tangdep donhi ya ki.
