Kyntu ka HANM-EJHD ya u MB Rymbai wow pynmih ya ka Bill chong kurim wa miat bar ya ka yong ka KHADC

Jowai: Ka seiñ Hynñiewtrep Achik National Movement – East Jaiñtia Hills District (HANM-EJHD) dei mynsien wa sñiawkhia ya ka mynried ka jaitbru da kyntu joor ko ya ka JHADC hapoh i yahkhmat u Madon Rymbai kam u CEM wow chimkhia wo bood ya ka nongmuna ka KHADC deiwa wanrah ya kam kani ka Second Amenment Bill kawa da pdiang da ka KHADC wow dam noh u tipmit ya ki khon wa ka bei kam ki Schedule Tribe lada chongkha wa u baar jylla.

Ka seiñ da ong ko wa kani ka Bill man ko kawa biang dooh neibynta ki Khasi khamtam ha kam kani ka por wa ka Assam da pynmih ko ya ka NRC List, iwa mut wa kitu kiwa chah beh noh na Assam daw yaleh ki wow poi chongkha wa ki kynthai Khasi khnang wow yoh thaw sah ki tangwa lyngba kani ka aiñ da khanglaad lut ya ki.

Chooh chooh da ong ko wa man i i kyrkhu wa khroo ya u HS Shylla heiwa ha ka pateiñ ka mynried u Ynñiawtrep lyngba ki dak kti yong oo wa da em kyrmen ki paidbah ka jylla.

Neiliang ka seiñ lyngba u General Secretary yong ka, u Shaniahlang Suchen da kyntu joor u ya u CEM ka JHADC, u Madon Rymbai wow chimkhia wow wanrah noh ya ka kani ka Bill ka KHADC khnang wow khanglaad hajrong i roi i chongkha khleh ki Khasi wa kiwi ki para jylla hapoh ka Ri-loom Jaiñtia yong i.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heijooh i por ka seiñ dap ko dei sñiawkmen wow tip wa u CEM ka Council thmu u wow wanrah kam kani ka jooh ka Bill kamwa da leh da ka KHADC tangwa ong u wa em i duna ha kani ka Bill, kamtæ da kyntu ko ya ka JHADC lyngba u CEM wa lada kani ka Bill yong ka KHADC dang thkoh ko tæ kyntu ko ya ka Council wow pynmih noh ya kani ka Bill wa rap miat khnang wa ki paidbah u tip ki yei duna wa em ha ka Bill ka KHADC heitæ wow yoh yaroh liang wanang.

“Tangwa ini man i iwa maa lada heh du i nia ha ki khubor” da ong ka seiñ.