Ka Hynniewtrep Achik National Movement (HANM) da pynsñiaw ko yei sñiawkhia hajrong i suk i saiñ hapoh ka jylla heiwa da ban saka khlam deiwa yaroh yeiwa da ye ka sorkar MDA wow leh wow yakhun ya kani ka khlam katwa ye wa tip ki.
Kam kawi na ki seiñ wa em hapoh ka CoMSO da e khublei ko leh yaka sorkar MDA hapoh i yahkhmat u Montri Rangbah u Conrad K Sangma wa chim u yei kitkhlieh heiyatoh waka Inner Line Permit hanla hadooh katni leh ym pu em yoh yei kular naka sorkar pyrdi hadooh katni.
Tangwa da pynsñiaw ko yei sñiawkhia yei pyrchang u President ka BJP Meghalaya u Ernest Mawrie wa u Vice President u Bernard N Marak wow pynjæd yaka sorkar. Kamtæ ka HANM da beiñ joor ko ya u President wa u Vice President ka BJP Meghalaya yei pyrchang ki wow wanrah yei pynkulmar hapoh ka jylla deiwa pynbaad hi-eh khlem da em ki sabut ki sakhi wa biang.
Da kyntu ya kini kiwa yahkhmat ka BJP wow pynlut ki yei por wow pynku yaki bru ka jylla heithaw wow man kam ki chieh ha i juti wei u man kiwa leh hok yei kaam yong ki ym toh wow yahbakla yaki bru yow poi ki cha ka thong samen yong ki wei wow sñiawthooh iyi mut hawa krehlang hapoh ka sorkar.
