Jowai: Ka seiñ Hynniewtrep Student Union (HSU) seiñbei da dawa ko na ki bor yong ka aiñ wow booh da ka takit wa bniah hei yatoh wa iñ ka ophis u District Transport Officer West Jaiñtia Hills District kawa em hajan laad KNGC.
U President ka seiñ u Kyrshan Rymbai da ong u wa niar u sñiaw yei kamni i jia hapoh ka District khamtam ya ka yungkrehkaam wa pait ya ki kot ki sla yong ki kari ki motor kamjooh leh ya ki license kawa ktah ya kiwa boon.
Kani man ko leh ka doohnong ymdu ya ka District khamtam ya ki tre kari wa kamai wa e ya i chakri ya u paidbah ha kiwa boon ki bynta wei ka seiñ leh da pynbaad ko wa em hi iyi re iyi heini i kop diñ ka kamra booh kot ha kini ki sngi wa da dep.
Emkaam wow chem tre yeiwa jia yow lait bing u jia sa chisien neini cha khmat wei kamjooh wow pynchitom ya kiwa kreh ka DTO ki wym chimkhia wow pyrkhat yeiwa khalær ki wow yada kam na ini i jia.
Kani toh katkam ka khubor u President ka seiñ.
Discussion about this post