Ynne ka sngi ka HYC da ong ko wa lyngba ka chnat Education Cell ka seiñ da yoh yutip ko hajrong i ood ki khynnah puræ, kamjooh i khñium na ki manbei manpa wa kiwa sikai skur hajrong ka Online Class.
Ka seiñ da ong ko wa iwi na ki daw wa chem chitom toh wa thut ka Internet nadooh wa pynman Class kamjooh leh ki Exam wa ki Online Test wei ini da wanrah i yei eh i khoo wa khroo ya ki khynnah ha ka Subject Math wa Science kiwa emkaam yei batai bniah.
Hajrong ini waroh, neiliang ka seiñ da e yumut ko ya ka sorkar wow chna noh da ki Video hajrong ki phang wa ki Subject waphær waphær wei wow booh ya ki ha ka Website ka chnat i puræ puthi namo deiwa e lang (Share) lyngba ka Whatsapp.
Da kyntu leh ya ki skur wa kiwa sikai wow riñ dur (Video) yei rukom batai khnang wa ki khynnah u yoh laad won ki wow Download hadien manda hoi ka Internet.
