Ka HYC Shella Area Unit da beiñ da pynsñiaw ko yei khyrngiat yei jia chah pynmynsoo uwi u khynroo na ka Dong Pyrkan kawa haap hapoh ka chnong Shella ha ka 9 tarik ha ki damok na Bangladesh kiwa da wan psiah tooh chapoh u pood ka ri India wow thombor ya kini kiwa chong chnong.
Neiliang ka seiñ da kyntu joor ko ya ki bor ka aiñ wow takit bniah deiwa kem leh ya kiwa emkti ha ini i jia.
Da kyntu ko leh ya ki bor BSF kiwa yang sonteri ya ka thaaiñ khappood wow kreh chitom wow kem ya kiwa emkti wow psiah chapoh India dei sngi.
Chooh chooh da kyntu joor leh ya ki BSF wow pynjoor yei sonteri neini chakhmat khnang wow pyndooh ya kam ini i jia iwa da wanrah yei chong syir mynsien ya ki paidbah ka Shella wa ka thaaiñ waroh kawi.
Ka seiñ da ong ko leh wa da emkaam wa ki bor ka Anti-Infiltration wow booh noh ya ki bru ka Department hapoh ka chnong Shella wa ha ka thaaiñ.
Discussion about this post