Ka seiñ HYC da beiñ joor ko ya i leh ki chipai ka India ha Nagaland ha ka 4 tarik iwa da wanrah ya i yap ki 13 ngut ki bru paidbah ha chnong Oting, Mon District ka Nagaland wei i kam ki chipai toh wow e daw donhi wow tymmoh ya i bakla ki wow pynyaphær hapyrdi ki paidbah wa ki damok.
Ka seiñ da ong ko wa i thombor ki chipai kam ha jylla Nagaland, Manipur wa Arunachal Pradesh toh na ka aiñ AFSPA kawa ebor ya ki chipai wow leh katwa sñiawbiang neibhah wa ki thaw man ki kiwa chong syir namo ki “Disturbed Areas”.
Hajrong kini waroh ka HYC da kyntu ko ya kiwa mihkhmat na ka thaaiñ mihsngi wow dawa na ka sorkar pyrdi wow tynyap noh ya ka aiñ AFSPA ha ka thaaiñ khnang wow lait i chah tynyap khiar ki paidbah kam ha Oting wa Malom ha ki por wow wan.
Da phah ko leh ya ka khubor sñiawlem cha kiwa hayung hasem wei ka seiñ yieñ ko chirup wa kiwi tawon.
Chooh chooh da kyntu ko ya ka sorkar India wow kyrriah ya ki chipai lada kwah sakhiat ko wow yoo yei chongsuk wei lada kwah sakhiat ko wow wanrah yei suk i saiñ emkaam wow tynyap noh ya ka aiñ AFSPA na ka thaaiñ.
