Neiliang ka Dorbar Chnong Tympang Iawmusiang, Jowai da kyntu ko ya ka Ladthalaboh Dorbar Pyllun heiwa ka Ladthalaboh Dorbar Chnong kawa man kam ka bei, kamjooh leh ya ka Chutwakhu Social Welfare Local Durbar kiwa pynlai ya ki yaw kamjooh kiwa em ki dukan dukdoh wow ya krehlang lane wow kyrchaan ya i khut khang chnong ka Iawmusiang.
Neiliang u Waheh Chnong ka Tympang Iawmusiang da ong u wa deiwa ya krehlang daw yoo ka sorkar yeini i eh wa yatoh wa i jhep kamjooh yow pynyoh thaw da iwa paka.
Kam wow pynkynmoo wa ynne ka sngi, ka Dorbar Chnong Tympang Iawmusiang da pynbna ko yei khang chnong wa 36 kynta iwa daw sdang nadooh 6:00 waje i step ka 26 tarik hadooh 6:00 waje i janmiet ka 27 tarik.
Ya ini da leh hadien wa kut i e por wow kit yei jhep na Iawmusiang heiwa da kit chipor tangwa da li noh biang ha ka luti wow lai cha Thomas Jones Synod College pyn hei miet ka 22 tarik da ki bru wym tipmit heiwa ka Dorbar Chnong da e ko da ka FIR heiyatoh wa ini.
