Kyntu ka JNC-WJZ ya ka JHTOA wow dam u pyrchah ya ki Truck ki baar jylla wow kit mooyong

Jowai: Ka seiñ JNC-WJZ hadien wa yoh ujor ko na ki bru hajrong wa leh embor ka Jaiñtia Hills Truck Owners Association (JHTOA) wow khang ya ki Truck wa kit mooyong wa man tre da ki dkhar da pyrchah ko yeini.

Ka seiñ da ong ko wa ini i leh ka JHTOA da ktah bha ko ya kiwa khayi mooyong hapoh ka ri loom Jaiñtia kiwa pyrchang wow kit pynlut ya u mooyong katkam wa booh por da ka NGT wei ka seiñ leh da pyrchang ko wow thooh bniah hajrong ini wei da chem ko wa neidaw wym yoh Truck da kiwa man tre napoh ri-loom Jaiñtia wow kit mooyong ym yoh laad ki wow chim da ki kari wa man tre da ki baar jylla.

Ka seiñ kwah ko wow kylli ya ka JHTOA wa lada ye ko wow pynbiang Truck ya kini ki bru hawa nood ko wow khang wow pynemkaam da ki Truck kiwa wan na baar jylla.

Chooh chooh ka seiñ da ong ko leh wa da chem ko na ki ujor na ki por cha ki por wa pyrchang wow thooh Truck kiwa man tre da ki bru yong i, man ko kawa eh hanlada biang i su leh tangwa ym em wa bien.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ neiliang ka seiñ da kyntu joor ko ya ka JHTOA wow pynbiang Truck ya kiwa khayi mooyong khnang wym ktah ko yei khih i khan wei lada ym ye, ka seiñ da kyntu ko ya ki wym toh u khang ki nalor i por man ko kawa tbian wow kit ya u mooyong.

Kani toh katkam ka khubor wa phah u Publicity Secretary ka seiñ u B. Phawa.