Jowai: Kamwa da leh ha kylleiñ ka ri hapoh ka Swachh Bharat Abhiyan (Clean India Movement), u Chief Executive Officer ka Jowai Municipal Board, da kyntu u ya kiwa chong chnong ka Jowai wow yakrehlang wa ka wow pynman ya ka Jowai kawa khooid.
Hei yatoj wa ini ka JMB da kyntu ko ya ki paidbah wow pynyait ya i jhep, hapyrdi kiwa ye u pyut na kiwa ym ye u pyut hachwa wow noh ha ki kari kit jhep.
Da kyntu ko ya ki paidbah wow dam u pyntngit namo u noh yei jhep cha rood sarok, ki dooid ki liar, ki um ki wah wa kiwi kiwi.
Ki bru kiwa thang jhep ha sarok lada chem u daiñ kuna ya ki hadooh T. 5000 wei da kyntu ko ya ki paidbah wow yakreh wa ka JMB lada chem ki ya kiwa thang namo noh jhep.
U CEO da kyntu u ya ki tre dukan wow pait ki wa hapoh 5 meter na ki dukan ki wymhoi u em jhep wei lada chem jhep hajan ki dukan daw chah pynchitom ko tre hadooh T. 5000.
Discussion about this post