Ka seiñ Jaiñ Students Movement-Nartiang Circle (JSM-NC) ynne ka sngi da kyntu ko ya ki waheh chnong wa ki VDP chnong wow pynlait ya ki bru kiwa lai rep cha ki hali yong ki.
Ini i kyntu da wan i hadien wa kiwa chong chnong ka thaaiñ Nartiang wa da chah khang ki wow lai cha ki thaw rep yong ki. Ka seiñ deiwa sñiawkhia ko yeini wei hadien wa da mih ki Wyrta naka sorkar wa ymhoi u khang ya ki warep wariang neibhah da toh i samoi yong ki wow hiar rep.
Ka seiñ da kyntu ko leh ya ki bor chnong wa ki VDP wow takit chwa ya ki bru cheiwon u lai ki næ heiwon em hali ki neibhah kiwa boon hi toh kiwa im nei rep i riang.
Chooh chooh da kyntu ka seiñ ya ki bor chnong wa ymtoh u chim ki ya ki bor ka aiñ ha kti deiwa yakrehlang wa ki bor ka aiñ.
Kani toh katkam ka Wyrta na u President ka chnat ka seiñ, u Head Phalangki wa u Dawyo Siangshai uwa man leh u General Secretary yong ka.
Discussion about this post