Ka JSM Women’s Wing hadien wa chem ko da ki khmat ha ka 14 tarik uni u bnai ha Jowai Civil Hospital, Ialong heiwa ym em wot kawi leh ka Ambulance wow kit ya kiwa kha khon, kiwa khlaad wa kiwi kiwi kiwa kjut ha katai ka thaw sumaar, ka seiñ da ong ko wa ini toh iwa phylla wei iwa ymye wow mutdur.
Ha ini i chem ka seiñ da sñiawdiaw ko wei da wyrai ko ya kiwa chitom, kiwa khlaad wa hap ki wow thooh da ki Ambulance ki bru samen hei dor iwa sy’at, wei ktah ko ya kiwa dooh wa duk khamtam kiwa wan na ki thaaiñ palat-sor.
Neiliang ka seiñ da kylli ko na ka sorkar wa kam kini ki por cheiwon em ki Ambulance wa dang wan ha u snem 2020 wei yeiyi wei kammon krehkaam ki?
Hajrong ini da kyntu wei da dawa ko na ki bor wow chimkhia yeini khnang wow ye u pynsuk ya ki paidbah.
Kani toh katkam ka Wyrta na ka General Secretary ka seiñ, ka N. Dkhar.
