Jowai: Ka JSU-Jowai Circle hapoh i yahkhmat u President yong ka, u Neal Jordan Rymbai ynne ka sngi da lai yachem ko ya u Executive Engineer ka PWD-Jowai Central Division hei yatoh wa kiwa sait kari man ki por harood u sarok Jowai Bypass iwa man pyrchah ya ka aiñ.
Ka seiñ da kyntu ko ya uni u sahep wow chimkhia u yeini i kaam neibhah ini i sait kari harood sarok daw ktah ko ya ki hali wa em chajan u sarok.
Ka seiñ da kyrpaad ko leh ya ki paidbah u man ki kiwa yakrehlang neibhah lada man kamni bait man iwa yoosarom ya ka District khamtam wa man uni u sarok kam u National Highway heiwa waroh ki kari na baar jylla lai ki lyngba yong oo.
Ha ini i yachem neiliang u EE ka Jowai Central Division da kular u wow chimkhai hajrong ini i kaam.
Discussion about this post