Ka Jaiñtia Students Union-Southern Border Zone hapoh i yahkhmat u President yong ka, u Ajoymeson Lyngdoh ynne ka sngi da ong u wa ka thaaiñ Bataw wa Borghat da chah iehbeiñ bha ki khamtam ha i puræ puthi.
Da ong u wa ka sorkar ym pait ko ya kini ki paidbah ha ki bynta khappood, wei lada khlem i stat i tip kammon u roi ka thaaiñ khappood wa ka Bangladesh.
Chooh chooh da ong u wa wot u sarok leh da sih da jæd bha u.
Heijooh i por da ong u wa ka thaaiñ da pynmih ko chiboon ki sahep kam ki Doctor ki Engineer tangwa ym em kawi wot leh ka Secretary School ha ki ar tylli Education Cluster ka Bataw Cluster wa ka Border Cluster wei katkam ka aiñ ha kawi ka Cluster toh u em kawi ka Secretary School.
Ka seiñ da jooh e dorkhat ko leh cha ka sorkar lyngba ka SDEO wow pynsñiaw ya ini wow yoh Secondary School tangwa ym em u man kaam i hanla da em ynñiaw hajar tam kiwa chong chnong.
Kamwa man katni ki LP School rap em ki nadooh ki yong sorkar hadooh ki yong chnong wa ki yong ki bru samen tangwa katni emkaam ya ka Secondary School ha kani ka thaaiñ.
