Ka Jaiñtia Students’ Union-Central Body hapoh i yahkhmat u President yong ka, u Lawyerson War hei emlang u President JSU-Jowai Circle u Aplang Lamare, da lai yachem ki ya ka Vice Principal ka Kiang Nangbah Higher Secondary School, Jowai ynnin ka sngi hajrong i dooh Admission boon ngut ki khynnah ka Ri-loom Jaiñtia ha kani ka skur.
Neiliang ka seiñ da kyntu ko ya kiwa pynlai ka skur wow pynpsiah khynnah chooh chooh ha kani ka thaw neibhah hadooh katni dang boon ki khynnah kiwa dooh Admission.
Ka seiñ da ong ko wa neiliang ka Vice Principal da kular ko wow yaleh ki katwa ye wow yarap u e Admission chooh ya ki khynnah ha kani ka skur hanlada em i duna ki kamra wow pynman Class.
Neiliang ka seiñ da dap ko dei diaw mynsien wa khroo neibhah ini i chem chitom ki khynnah da man i iwa da slem bha hapoh ka Ri-loom Jaiñtia ym du ha uni u snem donhi.
Chooh chooh ka seiñ da ong ko wa dap ko dei mynsien wa sñiawsih neibhah kiwa mihkhmat na Ri-loom Jaiñtia ym jooh pyrkhat ki yei eh i khoo wa chem ki khynnah wei ki khynnah da man ki du kam ki phang Election chisien san snem donhi.
Kani nan ko katkam ka Wyrta na u Education Secretary ka seiñ, u Request Pakma.
