Kyntu ka JSU ya ka sorkar wow yarap yei eh i khoo kiwa sikai

Jowai: Ka Jaiñtia Students’ Union lyngba u Education Secy. uwa man leh u Gen. Secy. ka JSU Shillong Circle u Request S. Pakma da ong u wa ka seiñ sñiawkhia ko yei man i long ka puræ puthi ha kanie ka jylla khamtam i eh i khoo wa yachem kiwa sikai.

Da ong ka seiñ wa man i iwa sñiawsih wow yoo wa kiwa sikai dei langær haap mih ki cha sarok wow yakhih khnang wow yoh yei dawa yong ki kam ka tulop wa kiwi kiwi iwa da pynsihdur yei man i long ka puræ puthi hapoh jylla.

U Pakma da ong u wa ka jylla dang sahdien bha ko heiyatoh wow chna ya ka Education Policy neibhah hadooh katni ym u ye u pynkrehkaam ya ka wei ym tikna hi leh mynnu u yoh u pynkrehkaam ya ka iwa da ktah joor bha ya ki khynnah puræ.

Kamtæ ka seiñ da kyrpaad joor ko ya ka sorkar wow chimkhia hajrong ini waroh i eh i khoo wa yachem kiwa sikai wei da yaroh ko leh ya kiwa sikai ka jylla kiwa da kreh chitom nadooh mynsien hapyrdi i eh i khoo wa yachem ki wow chakri wei wow e yei stat i tip.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da chim ko leh ya kani ka kabu wow e khublei sngi burom ya kiwa sikai cha waroh kiwa sikai nadooh ki skur khian, skur heh, ki College wa cha ki University waphær waphær kiwa em ha ka jylla.