Kyntu ka JSU ya ki paidbah wow mih yonglang ha ka 22 tarik wow kyrchaan ya ka KAS

Jowai: Ka Jaiñtia Students’ Union (JSU) da pynsñiaw ko wa e kyrchaan ko wa pura ya ka Khasi Author’s Society (KAS)  kawa yakhun wow thooh luti kammon wow pynpsiah ya ka ktien Khasi ha ka khyrnit kawa 8 yong ka riti synchaar ka Ri India.

U President ka seiñ, u Lawyerson War da ong u wa ka seiñ daw yaleh ki katwa ye wow pynman kaam yeini deiwa e ki wyrta chula cha ri loom Jaiñtia hajrong ini.

Chooh chooh da kyntu ya ki paidbah wow mih yonglang ki ha ka 22 tarik uni u bnai wow lai paidbah na Madan Iew Rynghep chadooh cha Madan Malki heiwa daw em ka yalang nadooh 11 waje hadooh 2 waje i sngi.

Neilang u President ka JSU Shillong Circle u Treiborlang R Suchen, da kyntu u ya waroh ki khynnah skur, College wot hadooh ki skurbah wow mih paidbah ki wow e i kyrchaan ya ka KAS wow tipmit noh ya ka ktien Khasi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa deiwa pynpsiah ya ka ktien Khasi daw pynsuk ko ya ki khynnah puræ khamtam ya kiwa thoh ya ki exam wa pynman da ka Sorkar Jylla wa Sorkar pyrdi kam ka UPSC, SSC, MPSC wa kiwi kiwi neibhah daw ye noh wow thoh da i ktien Khasi.

Da pynrap u wa ka jaitbru Bodo kawa ym em ka yong ka hi ka jylla tangwa kiwa em hapoh ka jylla Assam da yoh ki wow pyntipmit ya ka ktien ki ha ka khyrnit wa 8 ha ka 92nd Constitutional Amendment Act deiwa kylli leh wa kammon namo iyi wa eh wow timit noh ya ka ktien Khasi.