Jowai: Ka JSU CB hapoh i yahkhmat u Publicity Secretary ka sieñ u Tricky Mukhim da lai yachem ki wa ka Superintendent yong ka Jowai Civil Hospital, Ialong ha ka 20 tarik uni wow yaklam wym biang kari kit bru wa kjut namo ka Ambulance hapoh kani ka thaw sumaar.
Hei yatoh wa ini, neiliang ka Superintendent da khana ko wa ka Ambulance wa em katni da pyndik ko boonsien ko wei da jooh sahkut ko dei langer cha luti khamtam heimiet hei synyaw wei chemchitom bha ki wa kjut wa chitom wa ym poi ki heipor wa biang wei da emkaam bha wow yoh da kawa thymme naka sorkar.
Chooh chooh da pyntip wa kani ka kari sorkar wa em katni toh kawa da rim wei da toh u kylliang thymme noh ka sorkar da kawi wei kamjooh u pynbiang ya kiwa boon kiwi tawon kiwa emkaam ka Hospital.
Kamtæ neiliang ka sieñ da kyntu joor ko ya ka chnat ka chait ka khiah yong ka sorkar khamtam ya u montri wa pait yaka wow chimkhia u pynbiang ya kiwa emkaam khnang wow yoh myntoi ki bru yong ka ri-loom Jaiñtia waroh ka kawi.
Discussion about this post